Man ki shakti

man ki shakti yaani tanaav aur pressure ko jhelne ki taakat. jab raasta kathin ho tab dhrud rehne ki taakat. kabhi na haar maanne waali taakat. Man ki shakti isse bada taufa aap apne aapko nahi de sakte. Agar man mazboot hoga to zindagi bhi mazboot hogi.

Aisi man ki shakti jagaao apne andar ki aapke pratidhwandi kahen ki bhai isse panga mat lena. Wo ye kahen ki aapko haraana mushkil hi nahi namumkin hai kyuki aap kabhi haar nahi maante. manzil chahe jitni bhi door lage par apne man ki shakti se mai use paa lunga. Chahe jo beech me aaye mujhse agar takraaye to seh nahi paaoge. Kyuki mere paas hai mere man ki shakti.

Mujhe pata hai ki bahut se cheeze hai mujhe kamzor karne ke liye par ek baat mujhe hamesha yaad rahegi ki har kamzori ko mai taakat me badal dunga apne man ki shakti se. Itna balshaali bana dunga mai apne man ko ki koi bhi cheez use kamzor nahi kar payegi. Apne lakshya se mujhe door nahi kar payegi. Mera man kya mahsoos karega yah mere haath me hai. Paristhiyaan chahe jitna bhi mere man ko kamzor bana le par mai phir uthoonga gir ke. Aur zor se Aur zor se. Poori taakat jhok doonga apne lakshya ko paane ke liye.


Mujhse koi farak nahi padta yadi tum mujhse jyaada akalmand ho, gunwaan ho ya pratibhashaali ho. Mere paas mere man ki shakti hai aur yah shakti mujhe har baar aur jyaada mehnat karne kahti hai. Shareer ki shakti se bhi badhkar hai man ki shakti. Man ki shakti shareer ki shakti ko hara sakti hai. Chahe mujhse tum sharirik roop se kitne bhi jyaada shaktishaali ho par mere man ki shakti se tum jeet nahi paaoge. Aisi man ki shakti jo kabhi haar nahi maanti. Us waqt tak ladti rehti hai jab tak jeet na jaaye. Man ko kaabhu kar liya to jeevan ko kaabu me kar liya. Man se hi sabkuch kar sakte ho. Man se hi sab kuch hota hai. Apne man me thaan li to koi baadha tumhe rok nahi sakti.

Leave a Reply

Your email address will not be published. Required fields are marked *