Top 15 courses 12th Commerce ke baad in 2019

1. B.Com / B.Com Hons.
Bachelor of Commerce course jo ki kaafi students karte hai 12th ke baad. Iske baad students ya to jobs ke liye apply kar sakte hai ya masters degree courses ke liye opt kar sakte hai. B.Com Hons. course bhi hai jo kaafi insitutes mein offer hota hai. Kaafi Institutes alag alag tarah ke B.Com courses offer karte hai specialisations ke saath.

2. Integrated Law courses
Agar aapko Law mein interest hai to aap integrated Law course kar sakte hai. 5 saal ka hota hai intergrated Law course. Isme do courses combined hote hai. Jaise ki BA LLB kar sakte ho ya B.Com LLB kar sakte ho.

3. C.A. (CHARTERED ACCOUNTANCY)
Yeh degree course nahi balki ek professional course hai. Bahut kam students is paas kar paate hai yah lekin agar aap mein expert level ke Accountancy skills aur dhrud nishchay hai to aap kar sakte ho. Articleship bhi hoti hai isme. CA ki duration normally 4.5-5 saal hoti hai.

4. CS (COMPANY SECRETARY)
Ye bhi CA ki tarah ek professional course hai. CS ki duration normally 2.5-3 saal hoti hai.

5. CMA (Cost Management Accountancy)
Pehle yah CWA course ke naam se tha, Iske intitute ka naam pehe ICWAI tha par ab ICMAI ho gaya hai The Institute of Cost Accountants of India. CMA bhi CA aur CS ki tarah ek professional course hai. Iski duration normally 2.5 – 3 saal hoti hai. Isme bhi practical training karni hoti hai.

6. BBA / BMS / BBS
BBA yaani Bachelor of Business Administration. Business Management mein aapko interest hai to yeh course le sakte ho aap par yeh kahunga ki acche reputed college se karenge BBA to behtar hoga. BBA mein specialisations se bhi aap chun sakte ho jaise Finance, Event Management etc. Iske baad jobs ke liye apply kar sakte ho ya Masters degree courses jaise MBA kar sakte ho par MBA kar rahe ho to acche reputed college se hi kariyega.

BMS yaani bachelor of Management studies bhi kar sakte ho aap. Ye bhi kaafi hadh tak BBA program jaisa hota hai. Au ek business management se related course hai jo kuch institutes mein offer hota hai wo hai Bachelor of Business studies.

7. Bachelor of Economics ya BA in Economics
Agar aapko Economics aur Finance mein intereset hai to aap kisi acche college mein Bachelor of Economics ya BA in Economics ke liye apply kar sakte ho.

8. Bachelor of Journalism and Mass Communication
Agar aapko Media mein ya Journalism mein ta usse related fields mein interest hai to aap Bachelor of Journalism and Mass Communication course kar sakte ho.

9. BCA / B.Com in Computer Applications
Bachelor of Computer Applications aap kar sakte ho agar aapko computers mein interest hai to. Kuch institutes mein B.Com in Computer Applications bhi offer hota hai.

10. B.Design
Bachelor of Design course aap kar sakte ho agar aapko Interior design, Fashion Design etc. jaise fileds mein interest hai to. Normally iski duration hoti hai 4 saal.

11. Bachelor of Hotel Management
Agar aapko Hotel Management mein ruchi hai to Bachelor of Hotel Management kar sakte ho aap. Kuch institutes mein iski duration 3 saal hoti hai aur kuch mein 4 saal ho sakti hai.

12. BBI
Bachelor of Banking and Insurance course kuch hi institutes offer karte hai jo aap kar sakte ho agar aapko Banking and Insurance mein interest hai.

13. Bachelor of Statistics / Mathematics ya BA in Statistics / Mathematics
Agar aapko 12th mein Mathematics aur English subjects the aur agar aapko Maths aur Stats mein interest bhi hai to aap Bachelor of Statistics ya Mathematics ke liye apply kar sakte ho ya phir BA in Statistics/ Mathematics ke liye. Ek bahut reputed aur popular institute Bachelor of Statistics ya Mathematics ke liye hai Indian Statistical Institute. Entrance tests honge admission ke liye.

14. B.Voc
Bachelor of Vocation. Ek vocational training course hai. Is course ka main aim hota hai industry specific ya domain specific skills students mein develop karna. B.Voc mein bahut se specialisations hote hai jaise Software Development, Hospitality & Tourism, Automobile, Beauty & Wellness, Printing & Publication, Food Processing, Construction Technology etc. B.Voc par maine ab tak koi video banai nai hai lekin kuch dino mein banaane wala hun jiski notification aapko mil jayegi agar aapne notification on rakhi hoti is channel ke liye.

15. Actuarial Science Course
Actuaries yaani jo management of risk and uncertainty mein deal karte hai jaise insurance sectors. Kaafi students shayad jaante nahi honge is course ke baare mein. Actuarial Science course students ko statistical and mathematical methods ko finance, insurance, industries aur companies mein apply karne ke skills sikhaye jaate hai. Institute of Actuaries of India ek recognized body hai India mein jo Actuarial Common Entrance Test (ACET) conduct karti hai jise pass karne ke baad aap Insitute student memebership ke liye apply kar sakte ho. Maths aapka bahut accha hona chahiye iske liye. Eligibility normally hoti hai HSC with minimum of 85% in Mathematics or Statistics ya graduate with more than 55% of marks in Mathematical Subjects. Ghabraiye mat ispar mai ek detailed video jald hi banaane wala hun.

Inke alaawa doston aap short term certificate courses apne graduation ke saath kar sakte ho aur knowledge ke liye jaise Digital Marketing courses, Animation ya Editing courses. Lekin ek baat yaad rakhna short term courses mein agar aapne thik se seekha to hi value hai warna sirf certificate se kuch fayda nahi ho payega jobs mein.

To doston zyada se zyaada share kare is video ko aur like bhi kijiye. To milenge next video mein jald hi. Dhanyawaad.

Tags: Top 15 courses 12th Commerce ke baad 2019 mein. 12th commerce ke baad kya kare in Hindi

Leave a Reply

Your email address will not be published. Required fields are marked *