Tumhare kal se tumhari pehchan nahi hogi


Tumhare kalse tumhari pehchaan nahi honi chahiye. Ab kya kar rahe ho usse tumhari pehchaan hogi. Agar tum safal logon ki aadatein dekhoge aur asafal logo ki aadatein dekhoge to jaan jaoge ki kya fark hai unme. Asafal log jo kal ho gaya usee ke baare me sochte rehte hai aur pachtaate rehte hai. Ohh agar mai ye karta to mai aaj waha hota jahan hona chahta hu. Ohh no Us insaan ki wajah se mujhe wo cheez mil nahi paai.

Agar aisa hi sochte rahe to pata bhi nahi chalega ki zindagi kab tumhaare haatho se nikal gayi. Isliye Kal me mat phaso. Aaj me jeena seekho. Agar kal ke baare me hi sochte rahoge to wahi hoga jo hota raha hai kyuki jeevan to hamaare soch se hi banti hai na. Agar safal hona hai to aaj ke baare me socho. Aur kal kya karna chahoge ye decide karo abhi. Agar tumhare man me lakshya bilkul saaf hai aur uspar aaj amal kar rahe ho to tum wahan zarur pahuchoge. Par iska matlab ye nahi ki aaj ko enjoy nahi karna. Apne kaam ko enjoy karo. Tum jo chahte ho use paane ke liye jo kar rahe ho uska anand lena chahiye. Agar uska anand nahi le rahe ho aur sirf use ek bojh samaj ke kar rahe ho to ye kitne din kar paoge. Par agar anand lekar karoge to lakshya ka milna aasaan hoga aur lakshya tak pahuchne ka marg bhi anandmayi hoga.


Aur lakshya kya hai? Mere manme hi mai jeet likhta hu mere man me hi mai haar likhta hu. Lakshya tay karo par agar wo kisi kaaran se na mile ya der ho jaaye to apni zindagi kharaab mat karo. Kyuki zindagi me bahut kuch hai karne ke liye. Zindagi me hamesha ke liye niraash koi reh nahi sakta. Safal log jitni bhi baar bhi asafal hue the utni baar yahi sochte the ki ab ise thik karne ke liye kya karu naaki uska pachtwawa karke niraash ho jaate the. Haa thode sammay ke liye niraash agar ho bhi jaaye to phir uth khade hote the poore josh ke saath. Sab kuch tumhaare andar hai. Apne kal ko apni kamzori nahi apni taakat banalo. Kyuki agar tum kal asafal nahi hue hote aur wo galtiyaan nahi ki hoti to seekhte kaise? safalta ka mahatva kaise jaan paate? Shukr guzaar raho apne kal ka aur uske baare me pachtaawa karna bilkul chod do. To plan karo abhi ki kya karna chahte ho use karna shuru karo. Tum ab kya kar rahe ho bas wahi mayne rakhta hai dusra kuch nahi. kal jo hua wo beet gaya. Sirf ab hai. Tumhare kal se tumhare pehchaan nahi hogi.

Leave a Reply

Your email address will not be published. Required fields are marked *